BUSCAMOS LOGO!

 

25 DE NOVEMBRO: DÍA CONTRA A VIOLENCIA DE XÉNERO

LUNS 23 DE NOVEMBRO 

18:30 h na Sala de vídeo 

VISIONADO DE CURTAMETRAXES

PROXECTO “MULLERES EN ACCIÓN. VIOLENCIA ZERO”

Reserva a túa plaza pichando aquí.

GRUPO DE TELEGRAM "IGUAIS NA DIVERSIDADE"

ESTE GRUPO ESTÁ ABERTO A TODO O ALUMNADO DO CENTRO, DE 1ºESO A 2º BACHARELATO, ASÍ COMO DE TÓDOLOS CICLOS.

Neste grupo falaremos das nosas inquedanzas e dúbidas, propoñeremos actividades e contaremos as nosas experiencias, tal e como facíamos o ano pasado nas asembleas.

Para poder acceder ao grupo:

1. Instala Telegram no teléfono ou ordenador.

2. Créate un alias (non é necesario que poñas o teu nome se non queres, tampouco tes que poñer o teu número de teléfono).

3. Escribe un mail a lgbt.grupo.apoio@gmail.com ou unha mensaxe a través de Instagram, indicando o teu nome e apelidos, o curso ao que pertences e a túa idade.

Cando recibamos o correo e verifiquemos os datos, darémoste de alta no grupo.

Anímate e participa!

GLOSARIO DE TERMOS

11 DE OUTUBRO: DÍA INTERNACIONAL DA SAÍDA DO ARMARIO

 

28 DE XUÑO: DÍA INTERNACIONAL DO ORGULLO LGBTIQ+

Con motivo do Día Internacional do Orgullo LGBT o alumnado do IES Eusebio da Guarda mostramos o respecto á diversidade afectivo-sexual e de xénero cunha exposición de Carteis e Cómics sobre Igualdade e Diversidade.

Por tanto animamos a todas persoas interesadas, alumnado, profesorado, familias..., a visitar a exposicion que se atopa na planta baixa, no corredor que vai do vestíbulo á Biblioteca, en horario de mañá.

Calquera persoa que visite a Exposición poderá coller na exposición un detalle conmemorativo como unha chapa, unha pulseira ou unha pegatina, a modo de agasallo.

LIBERDADE DE SER E SENTIR

Co gallo do Día da Diversidade Sexual a área de Igualdade da Deputación da Coruña realiza unha campaña de sensibilización baixo o lema de Liberdade de Ser e Sentir.

Aquí tedes o enlace da páxina https://seresentir.gal/inicio/gl/, nela atoparedes web series, propostas de actividades e palestras sobre educación, deportes, etc., como estas:

    

17 DE MAIO: DÍA INTERNACIONAL CONTRA A LGBTIFOBIA E DÍA DAS LETRAS GALEGAS

Conmemoración do 17 de maio: Día Internacional contra a LGBTIfobia e Día das Letras Galegas

O alumnado do IES Eusebio da Guarda quere conmemorar esta data tan especial cunha serie de carteis que mostran o seu respecto cara a nosa lingua e cara a diversidade afectivo-sexual e de xénero:

Ademais, o profesorado da Rede Educativa de Apoio LGBTIQ+ adícalle este vídeo ao alumnado LGBTIQ+:

 

15 DE MAIO: DÍA INTERNACIONAL DAS FAMILIAS

FELIZ DÍA DAS FAMILIAS!

Sexan como sexan as nosas familias, porque na vida real, as familias son diversas, así como as persoas, pero todas temos que ter os mesmos dereitos!!

PRESENTACIÓN DA REDE EDUCATIVA DE APOIO LGBTIQ+ DE GALICIA

Hoxe presentamos na Coruña a Rede Educativa de Apoio LGBTIQ+ de Galicia, que está constituída xa por 230 docentes, 44 da Coruña. Aquí tedes a entrevista:

26 DE ABRIL: DÍA DA VISIBILIDADE LÉSBICA

FELIZ DÍA DA VISIBILIDADE LÉSBICA!

Hoxe a vosa profe visibilizouse, xunto a mais mulleres lesbianas, nun vídeo da FELGTB (Federación estatal de lesbianas, gais, transexuais e bisexuais)! 
Por min! Por vós! Non mais armarios!

31 DE MARZO: DÍA DA VISIBILIDADE TRANS

Querido alumnado trans, que saibades que estamos super orgulloses de vós! Non deixedes que ninguén vos faga pensar o contrario!!

8 DE MARZO: DÍA INTERNACIONAL DA MULLER

Para conmemorar o Día Internacional da Muller, o alumnado de 1ºESO fixemos as nosas propias chapas con lemas sobre este día tan importante, reivindicando o papel da muller na nosa sociedade e reclamando a igualdade real.

14 DE FEBREIRO: DESMONTANDO SAN VALENTÍN

Hoxe, 14 de febreiro é o día de San Valentín, así que imos desmontar os mitos sobre o amor romántico!

VISITA DO GRUPO APÓIATE LGBT

Onte tivemos a visita do grupo LGBT Apóiate do IES Politécnico de Vigo.

Presentaron as súas actividades no centro e as compañeiras falaron sobre as súas experiencias persoais como rapazas bisexuais.

Nós, o alumnado de 1º e 2º da ESO, escoitamos con atención, collemos ideas e preguntamos ás nosas dúbidas.

Unha xuntanza moi emocionante e enriquecedora!